අපගේ දැක්ම
“ ජනතාව සඳහා විශිෂ්ට සේවාවක් ”
අපගේ මෙහෙවර
“රාජ්ය ප්රතිපත්තිවලට අනුකූලව සේවා සැපයීම, සම්පත් සම්බන්ධීකරණය හා ජනතාසහයෝගීත්වයෙන් යුත් කාර්යක්ෂම හා සැලසුම්සහගත සංවර්ධන ක්රියාවලියක් තුළින්
ප්රදේශයේ ජන දිවිය නංවාලීම ”
කැස්බෑව ප්රාදේශීය ලේකම් කාර්යාලයේ ඉතිහාසය
දීර්ඝ ඉතිහාසයකට උරුමකම් කියන කැස්බෑව ප්රාදේශීය ලේකම් කොට්ඨාශය අතීතයේ මුඩ්ලියර් යුගයෙන් පසු ප්රාදේශීය ආදායම් නිලධාරී සල්පිට කෝරලේ විසින් පල්ලෙපත්තුව බවට පත් කළ බව පැවසේ. වත්කම් ප්රාදේශීය ලේකම් කොට්ඨාශ මොරටුව ප්රාදේශීය ලේකම් කොට්ඨාශය, හෝමාගම ප්රාදේශීය ලේකම් කොට්ඨාශය, වෑතර, පොල්ගස්ඕවිට, උඩුරුවගොඩ, රිලාවල, සිද්ධමුල්ල, පිල්පත්තුව, පල්ලෙපත්තුව (වත්මන් ඉසුරු උයන) ප්රදේශයේ පවත්වාගෙන ගොස් ඇත. කාලයාගේ ඇවෑමෙන් මෙම ප්රාදේශීය ආදායම් නිලධාරී කාර්යාලය පවත්වාගෙන ගොස් ඇත්තේ කොළඹ හොරණ පාරේ වෑවල හන්දියට නුදුරු නිවසකය.
මොරටුව, හෝමාගම සහ කැස්බෑව යන අංශ තුනෙන් සමන්විත සල්පිටිය කෝරළේ පල්ලේ පත්තුවේ පිහිටි ප්රාදේශීය ආදායම් නිලධාරී කාර්යාලය 1973 න් පසු එහි නිවුන් සහෝදරයන්ගෙන් වෙනම ගමනක් ආරම්භ කළේය. ඒ 1973 උප ජනාධිපති කාර්යාල ක්රමයේ ආරම්භයයි. ඒ අනුව, ඔහු කැස්බෑව මැතිවරණ කොට්ඨාශය පමණක් පදනම් කරගෙන කැස්බෑව සහකාර රජයේ ඒජන්ත කාර්යාලය යන නාමයෙන් තම ගමන ආරම්භ කළේය.
1979 පෙබරවාරි 21 වන දින සුබ දිනයේදී, වර්තමාන ප්රාදේශීය කාර්යාලයේ පළමු අදියර ආරම්භ කරන ලදී. ඒ වන විට කාර්ය මණ්ඩල සාමාජිකයින් සංඛ්යාව 09 කි. ග්රාම නිලධාරී කොට්ඨාශ 28 කි. 1987 දී ග්රාම නිලධාරී කොට්ඨාශ සංඛ්යාව 73 දක්වා වැඩි විය. අද දක්වා ඇති විශාල වසම් සංඛ්යාව නිසා එය ඉතා වැදගත් සිදුවීමකි.
1990 දී පරිපාලනය විමධ්යගත කිරීමත් සමඟ, කැස්බෑව නියෝජ්ය මහලේකම් කාර්යාලය ප්රාදේශීය ලේකම් කාර්යාලය හරහා කැස්බෑව ප්රාදේශීය ලේකම් කාර්යාලය බවට පත්විය. විවිධ රජයේ දෙපාර්තමේන්තු සහ ආයතනවල සේවාවන් එකම වහලක් යටට ඇතුළත් කිරීම සඳහා දහයකින් පමණ යුත් කාර්ය මණ්ඩලය පුළුල් කර ඇත.
2006 මැයි 4 වන දින සුබ මොහොතකින් වඩාත් ඉඩකඩ සහිත තෙමහල් ගොඩනැගිල්ලකට පැමිණියේය. 2010 දී කැස්බෑව ප්රාදේශීය ලේකම් කාර්යාලයට IOS 9001 - 2008 තත්ත්ව සහතිකය ලබා ගැනීමට හැකි වූ අතර එමඟින් ග්රාම නිලධාරී වසම් 73 ක් හරහා මෙම ප්රාදේශීය ලේකම් කාර්යාලයට පැමිණෙන අයගේ තෘප්තිය සඳහා කාර්යක්ෂම රාජ්ය සේවාවක් සැපයීම සහතික කෙරේ. ඔහු 2014 දී මෙන්ම 2015 දී ඵලදායිතා කුසලානයට ද තරඟ කළ අතර සමස්ත ලංකා මට්ටමින් තෙවන ස්ථානයට පත්විය.
1973 සිට සේවය කල ප්රාදේශිය ලේකම්වරුන්
|
නම
|
සිට
|
දක්වා
|
|
එච්.ඩබ්.පී.බී. විජයතිලක මහතා
|
01.01.1973 | 30.04.1989 |
|
කේ.ඒ. තිලකරත්න මහතා
|
02.05.1989 | 05.03.1990 |
|
එස්. විරිතමුල්ල මහතා
|
06.03.1990 | 13.09.1995 |
|
කේ.ඒ. තිලකරත්න මහතා
|
15.09.1995 | 31.10.1996 |
|
ආනන්ද සිරිකුමාර ලොකුරණමුක මහතා
|
04.11.1996 | 22.04.1998 |
|
පියසිරි නානායක්කාර මහතා
|
05.05.1998 | 06.12.2000 |
|
යූ.කේ.එස්. මිහිදුකුලසූරිය මහතා
|
07.12.2000 | 18.02.2002 |
|
ආනන්ද සිරිකුමාර ලොකුරණමුක මහතා
|
19.02.2002 | 27.07.2006 |
|
අයි.ආර්. සෝමසිරි මහතා
|
28.07.2006 | 26.03.2009 |
|
කුසුම් ශාන්ති ඉද්දගොඩ මහත්මිය
|
04.05.2009 | 22.07.2010 |
|
එල්.ඒ. කළුකපුආරච්චි මහතා
|
26.07.2010 | 01.03.2017 |
|
ජී.එස්.කේ. කන්නන්ගර මහතා (වැ.බ.)
|
02.03.2017 | 01.06.2017 |
|
වයි.කේ.එස්. ජීවමාලා මහත්මිය
|
01.06.2017 | 16.01.2019 |
|
කේ.පී. පේමදාස මහතා
|
05.06.2019 | 28.02.2025 |
|
ඉශංකා ඩී.කේ. උඩවත්ත මහත්මිය
|
03.03.2025 | මේ දක්වා |
- හැඳින්වීම
1.1 ප්රාදේශීය ලේකම් කොට්ඨාසය පිළිබඳ හැඳින්වීම
කොළඹ දිස්ත්රික්කයේ භූමි ප්රමාණයේ විශාලත්වයෙන් සිවිවන ස්ථානය හිමිකරගන්නා මෙම ප්රාදේශීය ලේකම් කොට්ඨාසය වර්ග කිලෝමීටර් 62.68 ක භුමි ප්රමාණයෙන් යුක්ත වේ.මෙම ප්රාදේශීය ලේකම් කොට්ඨාසය දකුණින් බොල්ගොඩ ගංඟාවෙන්ද, බටහිරින් එම ගංඟාවෙන් උතුරු දෙසට විහිදෙන ජලාශයකින්ද, නැගෙනහිරින් හෝමාගම ප්රාදේශිය ලේකම් කොට්ඨාසයට අයත් පොල්ගස්ඕවිට සිට කොට්ටාව දක්වා ඇති බස් මාර්ගයෙන් හා එලෙම්බුව නමින් හැඳින්වෙන ඇළ මාර්ගයෙන්ද, උතුරින් හෝමාගම සිට කොළඹ දක්වා වු බස් මාර්ගයෙන්ද, වයඹ කොටස රත්මලාන ප්රාදේශීය ලේකම් කොට්ඨාස සීමාවෙන්ද මායිම් වී ඇත.
- මැතිවරණ කොට්ඨාසය - කැස්බෑව
- පළාත් පාලන ආයතන - 02 (කැස්බෑව නගර සභාව / බොරලැස්ගමුව නගර සභාව)
- ග්රාම නිලධාරී වසම් සංඛ්යාව - 73 (කැස්බෑව නගර සභාව - ග්රාම නිලධාරී වසම් 55)
- (බොරලැස්ගමුව නගර සභාව - ග්රාම නිලධාරී වසම් 18)
- මුළු ජන සංඛ්යාව - 280515
- මුළු භූමි ප්රමාණය - ව.කි. 62.68 (අක්කර 15488.57 / හෙක්ටයාර් 6268)
1.2 ප්රාදේශීය ලේකම් කොට්ඨාසයේ පිහිටීම
1.3 ප්රාදේශීය ලේකම් කොට්ඨාසයේ සම්පත් පසුබීම
- භූමි සම්පත -
• මායිම් කොට්ඨාස වලට සාපේක්ෂව ඉඩම් වල මිල අඩුවිම ,මූලික අපර ව්යුහ පහසුකම් ප්රදේශය පුරා ව්යාප්තව තිබිම හා නේවාසික කාර්යය සඳහා ආකර්ශණීය ප්රදේශයක් වීම හේතුවෙන් සංක්රමණය මෙන්ම ඉඩම් ඉල්ලුම ඉහල යාමක් ද හඳුනාගත හැකිය. කොට්ඨාසයේ පවතින රබර්, පොල් ඉඩම් කට්ටි වීම බහුල විම තුළින් එය හඳුනා ගත හැකිය.
• කුඹුරු ඉඩම් හා පහත්බිම් ප්රදේශය පුරා ව්යාප්ත ව පැවතීම තුළින් ,කොට්ඨාසය තුළ ගංවතුර පාලනයේදී හා උෂ්ණත්ව පාලනයේදී මහඟු පිටුවහලක් වී ඇත.
- ප්රවාහන ජාලය -
• කොළඹ නගරයට ඇතුළුවන කොරිඩෝ 7 න් එකක් ලෙස හොරණ කොළඹ මාර්ගය මැදි කරගෙන පිහිටා තිබීම සුවිශේෂි වේ.
• කහතුඩුව අධීවේගී පිවිසුමට කැස්බෑව නගර සභා මායිමේ සිට කි මී 03 ක් පමණ දුර ප්රමාණයක් විමෙන් අධීවේගී මාර්ග ජාලයට පහසුවෙන් සම්බන්ධ වීමට හැකි වීම
• රටේ සියළු ප්රදේශ කරා ප්රවිශ්ඨ විය හැකි මාර්ග ජාලයකට සම්බන්ධ කොට්ඨාසයක් වීම.( උදා ගාලු පාර, මහරගම හයිලෙවල් පාර,මාකුඹුර අධීවේගී පිවිසුම,පිලියන්දල බණ්ඩාරගම හරහා වස්කඩුව)
- සේවා මධ්යස්ථානවලට පහසුවෙන් ළඟා විය හැකි වීම -
• බෝකන්දර ආර්ථික මධ්යස්ථානය,කැස්බෑව හා පිලියන්දල නගරය ආශ්රිත සේවා මධ්යස්ථාන සඳහා පහසුවෙන් ළඟා වීමේ හැකියාව ඇත.
- ඓතිහාසික වශයෙන් සුප්රසිද්ධ ස්ථාන පිහිටා තිබීම -
• බෙල්ලන්විල රජ මහා විහාරය, පැපිළියාන සුනේත්රා මහා දේවී පිරිවෙන් රජ මහා විහාරය, නීලම්මහර පුරාණ විහාරය, පැපිළියාන සුනේත්රා දේවී රාජමහා විහාරය, මඩපාත ශෛලතලාරාමය, වෑවල ගංගාරාමය, බටුවන්දර ශ්රී තිලකාරාමය ,ගනේවත්ත දේවාලය, බටකැත්තර ඓතිහාසික ගොනා බැඳි දේවාලය වැනි ඓතිහාසික වශයෙන් සුප්රසිද්ධ ස්ථාන කොට්ඨාසය තුළ පිහිටා තිබිම කොට්ඨාශයට මහත් ආශිර්වාදයකි.
- බොල්ගොඩ ජලාශය පිහිටා තිබීම -
• කොට්ඨාසයට වැදගත් ඉහල ජෛව විවිධත්වයකින් යුත් පාරිසරික සංවේදී කලාපයකි. ග්රාම නිලධාරි වසම් 09 ක් හරහා ව්යාප්තව ඇත. ජඹුරලිය තුම්බෝවිල උතුර ,වෑවල නැගෙනහිර, වෑවල බටහිර, සුවාරපොල නැගෙනහිර ,හැඩිගම ,දැල්තර නැගෙනහිර,දම්පේ ,කහපොල යන වසම් වේ.
• බොල්ගොඩ ජලාශය මෙන්ම ඒ ආශ්රිත තොටුපොලවල් හා දූපත් කොට්ඨාසයේ සංවර්ධන විභවතාවයක් සහිත සංරචකයන් වේ. මිරිදිය ධීවර කර්මාන්තය දේශීය විදේශිය සංචාරක කර්මාන්තය හා පාරිසරික ආකර්ශණීය කලාපයක් ලෙස ප්රවර්ධනය සඳහා මෙය මහඟු සම්පතකි.
- කෘෂිකාර්මික කටයුතු බහුලව සිදු කිරීම -
• නාගරික මායිමේ ග්රාමීය බව තවදුරටත් සුරැකී ඇති කොට්ඨාශයකි. බහුතරයක් අර්ධ කාලීන ගොවීන් වන අතර පූර්ණ කාලින.ගොවීන්ගෙන් ද සමන්විත වේ. ආසන්න වශයෙන් අක්කර 1000 ක වී වගාවන් යල මහ දෙකන්නයේම වගා වන අතර නිෂ්පාදනය යැපිම සඳහා වැඩි ප්රමාණයක් ද ඉතිරිය අලෙවියෙන් ආර්ථිකය වැඩි දියුණූ කර ගැනීමටද භාවිතා කරයි.
• පුරන් කුඹුරු අස්වැද්දීමටද රාජ්ය, පෞද්ගලික අංශ මෙන්ම සාමාන්ය ජනතාවගේද නැඹූරුව පවතී.ප්රදේශයේ යහපත් දේශගුණික තත්වය නිසා කාලීනව රට පුරා ඇති වන ගංවතුර ,නියං තත්ත්ව වැනි විවිධ ස්වාභාවිත ගැටළු වලට ලක් වීම අවම වීම වාසනාවකි. රාජ්ය අංශයේද සහය ඇතිව කන්නයක වගාවට අවශ්ය බිජ වී වලින් 50% ක පමණ ප්රමාණයක්ම කොට්ඨාශය තුල ගොවීන් විසින්ම නිපදවා ගනී.
• කොළ එළවළු වගාවද කොට්ඨාශය තුල ඉතා හොඳින් පැතිරී ඇති කෘෂි ව්යවසායකි. දේශීයව එළවළු ලෑල්ලේ සිට ආර්ථික මධ්යස්ථාන මෙන්ම අපනයනය දක්වාම විහිදී ඇති දේශීය ආර්ථීකයට සැලකිය යුතු දායකත්වයක් ලබා දෙන්නකි.
• යහපත් කෘෂි පිළිවෙත් අනුගමනය කරමින් වගා කෙරෙන අනෙකුත් එළවළු භෝග වගාවන්ද කොට්ඨාශයේ ගොවීන්ගේ ආර්ථීකයට රැකුලක් වනවා මෙන්ම පාරිශෝගික පිරිසට රසගුණ පිරි නැවුම් අහරක් ලබා ගැනීමට ද මග පාදයි.
1.4. ප්රාදේශීය ලේකම් කොට්ඨාසයේ ඉතිහාසය හා ඓතිහාසික වැදගත්කම
- කැස්බෑව නාමය පිළිබඳ ජනප්රවාද ........
6 වන පැරකුම්බා රජු රාජ්ය පාලනය කරන ලද සමයේ පර සතුරු රජවරුන්ගෙන් මෙන්ම ප්රාන්ත රජවරුන්ගෙන් මුදා ගෙන රට එක්සේසත් කලේය.එසේ කිරීමේදී සපුමල් කුමාරයා සේනා සමඟ යාපා පටුනට සටනට යැවූහ. ඔහු දෙමළ රජු ජයගෙන පැමිණ රජු බැහැ දැකීමට පෙර කෙස් බාදැලි රැවුල් කපා ස්නානය කොට ආභරණ රෙදි පිළි හැඳ පැළඳ සූදානම් වූ ස්ථාන ඒ ඒ නම් වලින් ප්රචලිත වූ බව ජනප්රවාදයේ පවතී. ඒ අනුව කෙස් බෑ තැන ,“ කෙස් බෑ” කැස්බෑව වූ බවත් පිළි ඇඳි හල ,“ පිළියන්දල ” වූ බවත් ජනප්රවාදයේ පවතී. තවද ,කැස්බෑව පිළිබඳව තවත් අදහසක් පවතී. පරාක්රමබාහු රජතුමා ජල ක්රීඩා කිරීම සඳහාත් ස්නානය කිරිම සඳහාත් පැමිණී පිණීදියාගාර නමින් හැඳින්වූ පොකුණින් නෑමට පෙර කෙස් කපා සූදානම් වූ බවත් කෙස් බැ තැන “කැස්බෑව” වූ බවත් විශ්වාසයේ පවතී.පිණීදියාගාරය නමින් දිය බුබුලක් අදත් මාම්පෙ ප්රදේශයේ පැවතීම එම විශ්වාසය තහවුරු කරයි.
එහෙත් ,සිංහල ශබ්ද කෝෂයේ 7 වන කාණ්ඩයේ පළමු කළාපය කැස්බෑව පිළිබඳව විස්තර කර ඇත්තේ ඉහත දැක්වූ තොරතුරු වලට ඉඳුරාම වෙනස් ආකාරයටයි.කොළඹ දිස්ත්රික්කයේ සල්පිටි කෝරළයේ පල්ලෙ පත්තුවට අයත් කැස්බෑව කුඩා නගරයකි.කොළඹ හොරණ මහා මාර්ගයේ 13 වන සැතපුම් කණූව අසල පිහිටා ඇකි වැව සැතපුමක් පමණ විශාල වන බවත් ,මෙම වැවේ කැස්බැවුන් ජීවත් වූ බවත්, මෙම වැව කැස්බෑවකුගේ හැඩය ගත් නිසාත්, ජනප්රවාද වල මෙම වැව කැස්බෑව වැව වූ බවත් ,එනිසාම මෙම ප්රදේශයට කැස්බෑව යන නම ව්යවහාර කළ බවත් සඳහන් වේ.
(මූලාශ්රය - පියදාස ලියනගේ මහතා විසින් රචිත කැස්බෑව නැමති කෘතිය ඇසුරිනි.(ශ්රී ලංකාවේ බස්නාහිර පලාතේ කොළඹ දිස්ත්රික්යේ සල්පිටි කෝරළේ තල්පේ පත්තුවේ කැස්බෑව මැතිවරණ කොට්ඨාසය පිළීබඳව කෙරෙන ඓතිහාසික භූගෝලීය ගවේශනාත්මක කෘතියකි.)
- කැස්බැව ප්රදේශයේ ග්රාම නාම හැදුනු හැටි ජනප්රවාදයේ සඳහන් අයුරු.......
කෝට්ටේ රාජධානි සමයේ රජ වාසලට අවශ්ය සේවාවන් කර ඇත්තේ ඒ ඒ අසල ගම්වල පදිංචි කරවන ලද පිරිස්ය.බොහෝ විට මේ ගම්වලට නම් පටබැඳී ඇත්තේ ද ඒ ගමේ පිරිස කළ කාර්යයන් ඔස්සේ වීම විශේෂත්වයකි.මෙම කැස්බෑවේ ගම්ද,රජ වාසල ආසන්නයේ තිබීම නිසා එය විශ්වාස කළ හැකි තත්වයක් ද පවතී. මෙම නම් ගම් යෙදීමේදී බොහෝ පැරණි වියත් බහුශ්රැත පිරිස් හමුවෙමින් හැකිතාක් දුරට ඒවායේ නිවැරදිතාවය දැක්විමට මෙම තොරතුරු ලබා ගත් කෘතියේ කතෘ විසින් දැඩි වෙහෙසක් දැරූ බව සඳහන් කර ඇත.
පලිගෙදර
රජ වාසලට රෙදි පිළි සපයා ඇත්තේ මෙම පිළි ගෙදරින්ය.පිළි ගෙදර පසුව පළිගෙදර වූ බව දැක්වේ.
නාම්පමුණුව
රජ වාසලේ රජ කුමර කුමරියන්ට ස්නානය සඳහා නානු සැපයිය යුතුව තිබුණි. විශේෂයෙන් පමුණුව,මෙහොර වැනි නම්වලින් හඳුන්වා ඇත්තේ රජ වාසලට අයත් ගම් වලට යයි අදහස් කෙරේ. මේ නිසා “නානු -පමුණුව” නාම්පමුණුව ලෙස සකස් වි ඇති බව සඳහන්වේ.
මාවිත්තර
රජ වාසලට බත සැපයූ මා වී පැසුණු යාය පිහිටා තිබුණේ මෙහිය. ඒ නිසා මා -වි-ඉත්තර මාවිත්තර වූ බව සඳහන් වේ. ඉත්තර යන්න ඉහල පෙදෙස ලෙස පැරැන්නන් හැඳින්වූහ.
පිණිදියාගාරය
රජ වාසලට පිණිදිය නැත්නම් පැන් සැපයුවේ මෙම පිණිදිය ආරෙනි.පිණිදිය ආර යනුවෙන් අද දක්වා ඇති පොකුණෙනි. එබැවින් එම පෙදෙස පිණීදියාගාරය විය.
කාලියම්මහර
මෙම යෙදුමෙහි මහර ,මොහොර යනුවෙන් යෙදෙන විට රජ වාසලට අයත් යන අදහස හැඟේ.කෝට්ටේ යුගයේ බ්රාහ්මණයින්,රජ වාසලේ අනුශාසකයින් ලෙස රාජ සභාව හෙබවූ නිසා ඔවුන්ට යාග හෝම පැවැත්වීඹ සඳහා ගම්වර ලබා දුන් බව සඳහන් වේ.හෝමාගම,නීලම්මහර,දූලම්මහර යන නම් ඇතිවී ඇත්තේ මෙම යාග හෝම පැවැත්වූ ගම් ලෙස පැවති නිසා බව විශ්වාස කෙරේ.කාලි- අම්මා-මහර කාලියම්මහර ලෙස යෙදී ඇත.
බෙල්ලන්විල
එදා බොල්ගොඩ ගඟේ සිට කටු ඇල වැටී තිබුණේ බෙල්ලන්විල හරහාය.කටු ඇලේකරදිය මුසු ජලය තිබූ නිසාත්,මුහුදේ සිටි බෙල්ලන් කැස්බෑවන් ඇල දිගේ පැමිණ දකින්නට ලැබුණ නිසාත් බෙල්ලන් සිටි විල බෙල්ලන්විල වී ඇත.
දිවුල්පිටිය
මෙම ගම සෑදිම පිළිබඳ විවිධ මත පවතී.සමහරුන්ගේ අදහස වූයේ උස් දිවුල් ගස් තීබු බැවින් දිවුල්පිටිය වූ බවයි.එහෙත් කෝට්ටේ යුගයේ බ්රාහ්මණයින් ඔවුන්ගේ යාග හෝම පුද පූජා පැවැත්වීමට ශිල්පීන් පුහුණු කර ඇත.කඩු හරඹ,දුණූ හරඹ, පුහුණු කරනවා සේම දවුල් තම්මැට්ටම් බෙර වාදනය පුහුණු කරන පිටි තිබී ඇත. දවුල් සරඹ පුහුණු කරන තැන්“ දවුල්පිටිය” ලෙස හැදින් වූ අතර පසුව භාවිතයේදි “ දවුල්පිටිය” දිවුල්පිටිය වූවා විය හැකි බව සඳහන් වේ.
රත්මල්දෙනිය
දෙනිය , පිටිය යනුවෙන් අදහස් වූයේ නිසරු ළඳු කැළෑ පෙදෙසකි.රත්මල්ගස් වලින් ගහන පෙදෙස් රත්මල්දෙනිය වූ බව සඳහන් වේ.
සුවාරපොළ
සතියේ දවස් 4 ක් ගඟ අසබඩ එදා එළවළු පොළ පැවති බවත් එය සිවිවාර පොළ ලෙස හඳුන්වා තිබූ බවත්,මෙය පසු කාලීනව සිව් -වාර- පොළ සුවාරපොළ යනුවෙන් හඳුන්වා ඇති බව පැවසේ.
වැවල
වැව ගොඩ වු පසු වැවේ මැද වල පමණක් ඉතිරි වූ පසුව වැවේ වල යනුවෙන් ගැමියන් නම් කර ඇත. පසුව “වැවේ වල” වෑවල වූ බව පැවසේ.
දම්පේ
එදා මෙතරම් ජනාකීර්ණ නොවූ මාදං,හිඹූටු,බෝවිටියා කරඹ වැනි කැළැ පළතුරුවලින් පිරි ළඳු කැළෑ දක්නට ලැබුණි.මෙවැනි දම් ගස් වලින් ගහණ පිටියක් වේරස් ගඟ අසබඩ තිබී ඇත. එම ගම දම් - පේ හෙවත් දම්පෙ ලෙස පසුව හඳුන්වා ඇත.
හල්පිට
බොහෝ පැරැන්නන්ගේ අදහස වී ඇත්තේ හල්පිටි කෝරළය නම් කළේ මෙම හල්පිට නිසා බවයි. රජයේ සේවකයන් එදා මෙම හල්පිට පදිංචි ව සිට ඇත. හල් ගස් බහුලව තිබුණ නිසා “හල්පිටිය” හල්පිට වූ බව සඳහන් වේ.
බෝකුන්දර
විශාල ජල පොකුණක් අද කොළඹ - හොරණ පාර අසල තුම්බෝවිල ඇත.බෝගස් තුනක් තිබී ඇත්තේ විලට යන පාරවල් තුනේ දෙරටු තුන අසල බවත් විශ්වාස කෙරේ.මේ නිසා බෝ- තුන -දොර පසුව බෝකුන්දර වු බවත් විශ්වාස කෙරේ. අදත් බෝකුන්දර තුම්බෝවිල ආසන්නයේ මෙවැනි විලක් දක්නට ඇත.
මොරෑඳ
මෙම පෙදෙසේ තිබුණු කුඹුරු කර ඇත්තේ තට්ටු මාරු ක්රමයටයි.. ඒනිසා මෙම වෙල්යාය “මුර - අද” නොහොත් “මුර- ඇඳ” පසුව මොරෑඳ වූ බව පැවසේ.
බටුවන්දර
කෝට්ටේ ,රයිගම් රාජධානිවලට ඔබ මොබ යන අය ගිමන් හැරීමට බටු නැත්නම් පැමිණ නැවත යන ස්ථානය බටු -යන-දොර පසුව බටුවන්දර වූ බව විශ්වාස කෙරේ.
මකුළුදූව
කුඹුරු යායක් ව පැවති මෙම පෙදෙස දූපතක් වැනි කොටසක් ගොවිතැනින් ඉවත් කර ඇත්තේ මකුළු තිබූ නිසාය.එම නිසා මකුළුදුව නමින් එම ප්රදේශය හඳුන්වා ඇත.
ගොරකපිටිය
පිටිය යන්න බොහෝ කැන් වල යෙදී ඇත. පැරැන්නන් පිටිටනි වැනි තැනිතලා එළි මහන් ප්රදේශ නිතර භාවිතා කර තිබුණි.ගොරක ගස් වලින් ගහන පිටිය ගොරක්පිටිය වී ඇත.
පැලැන්වත්ත
සුදු පාලකයින් ඉඩකඩම් වලට පිඹුරුපත් සාදා තිබුණි.මෙසේ අත්සන් කොට තිබුණු මෙම පැලැන් සහිත ප්රදේශය ගැමියන් පැලැන්වත්ත ලෙස හඳුන්වා ඇත.
බොරලැස්ගමුව
කෝට්ටේ යුගයේ ඇතැම් කුමාරවරුන් බලසේනා රහසේ රැස් කර සතුරා සමඟ සටනට ගොස් ඇත.එනිසා ම බල- රැස් - ගම පසු කාලීනව බොරලැස්ගමුව ලෙස ව්යවහාර වි ඇත.
(මූලාශ්රය - පියදාස ලියනගේ මහතා විසින් රචිත කැස්බෑව නැමති කෘතිය ඇසුරිනි. (ශ්රී ලංකාවේ බස්නාහිර පලාතේ කොළඹ දිස්ත්රික්යේ සල්පිටි කෝරළේ තල්පේ පත්තුවේ කැස්බෑව මැතිවරණ කොට්ඨාසය පිළීබඳව කෙරෙන ඓතිහාසික භූගෝලීය හා ගවේශනාත්මක කෘතියකි.)
1.5 ග්රාම නිලධාරී කොට්ඨාස, ගම්වල නම් හා භූමි ප්රමාණය
(ග්රාම නිලධාරී වසම් සිතියම/පොලිස් බල ප්රදේශ/ සමෘද්ධි කලාප සිතියම ඇතුලත් කර ඇත)
ග්රාම නිලධාරී කොට්ඨාස, ගම්වල නම් හා භූමි ප්රමාණය
| අනු අංකය | වසම් අංකය | ග්රාම නිලධාරී වසම | ගම්වල නම් | භූමි ප්රමාණය (හෙක්ටයාර්) |
| 1 | 533 | බොරලැස්ගමුව නැගෙනහිර ඒ | බොරලැස්ගමුව කොටසක් | 79.08 |
| 2 | 533F | බොරලැස්ගමුව බටහිර සී | බොරලැස්ගමුව කොටසක් | 54.99 |
| 3 | 533B | බොරලැස්ගමුව බටහිර ඒ | බොරලැස්ගමුව කොටසක් | 71.8718 |
| 4 | 533D | බොරලැස්ගමුව නැගෙනහිර බී | බොරලැස්ගමුව නැගෙනහිර කොටසක් | 88.5033 |
| 5 | 533E | බොරලැස්ගමුවබටහිරබී | බොරලැස්ගමුව කොටසක් | 74.9616 |
| 6 | 533A | රත්තනපිටිය | රත්තනපිටිය | 67.8696 |
| 7 | 533C | එගොඩවත්ත | එගොඩවත්ත | 32.9486 |
| 8 | 535 | පැපිලියාන බටහිර | පැපිලියාන කොටසක් ,නැදිමාල | 69.8888 |
| 9 | 535A | බෙල්ලන්විල | බෙල්ලන්විල | 55.0959 |
| 10 | 535C | පැපිලියාන නැගෙනහිර | පැපිලියාන කොටසක් | 29.203 |
| 11 | 535D | දිවුල්පිටිය නැගෙනහිර | දිවුල්පිටිය කොටසක් | 28.8411 |
| 12 | 535B | දිවුල්පිටිය බටහිර | දිවුල්පිටිය කොටසක් | 45.0436 |
| 13 | 562 | වෑවල නැගෙනහිර | වෑවල කොටසක් | 48.8174 |
| 14 | 562B | වෑවල බටහිර | වෑවල කොටසක් | 109.8908 |
| 15 | 562A | සුවාරපොළ නැගෙනහිර | සුවාරපොළ කොටසක් | 51.1592 |
| 16 | 562C | සුවාරපොළ බටහිර | සුවාරපොළ කොටසක් | 28.0653 |
| 17 | 563 | හැඩිගම | හැඩිගම | 80.0626 |
| 18 | 573 | කොළමුන්න | කොලමුන්න | 82.8798 |
| 19 | 564 | දැල්තර බටහිර | දැල්තර කොටසක් | 33.6374 |
| 20 | 564A | දැල්තර නැගෙනහිර | දැල්තර කොටසක් | 123.3724 |
| 21 | 565 | බටකැත්තර උතුර | බටකැත්තර කොටසක්, ගැඩබුවාන | 123.298 |
| 22 | 565A | බටකැත්තර දකුණ | බටකැත්තර කොටසක් | 119.7937 |
| 23 | 566 | දම්පේ | දම්පේ , | 291.5138 |
| 24 | 567 | මඩපාත | මඩපාත,පින්නවල,කොටගෙදර | 170.7141 |
| 25 | 568 | මොරැද | මොරැඳ, , හිල්ක්රෙස්ට් 1 | 65.9769 |
| 26 | 568A | නිවුන්ගම | නිවුන්ගම, හිල්ක්රෙස්ට් 11 | 29.7347 |
| 27 | 569 | මාකන්දන නැගෙනහිර | තැඹිලිවත්ත, මාකන්දන කොටසක්, තොරණවිල, | 114.7691 |
| 28 | 569A | මාකන්දන බටහිර | මාකන්දන කොටසක්, වැලිකොටුවවත්ත, ,හිල්ක්රෙස්ට් 111 | 110.1006 |
| 29 | 570 | හල්පිට | හල්පිට,නිවුන්ගම කොටසක් | 241.5384 |
| 30 | 571A | හොරතුඩුව,කෝදුරාව | හොරතුඩුව, කෝඳුරාව | 64.8247 |
| 31 | 572 | කැස්බෑව උතුර | කැස්බෑව කොටසක්, දෙමළදූව, වල්ගොන්නගහවත්ත | 97.1307 |
| 32 | 572B | කැස්බෑව නැගෙනහිර | කැස්බෑවකොටසක් | 74.6203 |
| 33 | 572A | කැස්බෑව දකුණ | කැස්බෑව කොටසක්,බෙරවාවල | 163.1642 |
| 34 | 574 | මාම්පේ බටහිර | මාම්පේකොටසක් ,වවනවත්ත,මිරිස්වත්ත | 64.6932 |
| 35 | 574A | මාම්පේ උතුර | මාම්පේ කොටසක් | 127.2966 |
| 36 | 574B | විශ්ව කලාව | විශ්වකලාව,සිල්ලප්පුවත්ත,ගනේවත්ත | 24.7762 |
| 37 | 574C | මාම්පේ දකුණ | මාම්පේකොටසක් , සිරිමංගලවත්ත,මිරිස්වත්ත,පුවක්ගස් හන්දිය | 39.9057 |
| 38 | 574D | මාම්පේ නැගෙනහිර | මාම්පේ කොටසක් | 37.8688 |
| 39 | 575 | බෝකුන්දර | බෝකුන්දර, ජාලියගොඩ | 61.4018 |
| 40 | 576 | තුම්බෝවිල බටහිර | තුම්බෝවිල කොටසක් | 63.4918 |
| 41 | 576A | තුම්බෝවිල උතුර | තුම්බෝවිල කොටසක්,කරදියාන | 176.2332 |
| 42 | 576B | තුම්බෝවිල දකුණ | තුම්බෝවිල කොටසක් | 86.6898 |
| 43 | 577 | වේරහැර උතුර | වේරහැර කොටසක් | 68.7614 |
| 44 | 577A | වේරහැර දකුණ | වේරහැර කොටසක් | 154.4811 |
| 45 | 577B | බෝධිරාජපුර | බෝධිරාජපුර | 11.0226 |
| 46 | 578 | කටුවාවල උතුර | කටුවාවල කොටසක් | 77.5368 |
| 47 | 578A | කටුවාවල දකුණ | කටුවාවල කොටසක් | 45.5693 |
| 48 | 579 | නීලම්මහර | නීලම්මහර | 54.3489 |
| 49 | 580 | කාලියම්මහර | කාලියම්මහර, දූලම්මහර | 55.4642 |
| 50 | 580A | නිවන්තිඩිය | නිවත්තිඩිය | 74.1849 |
| 51 | 581 | ඇරව්වල නැගෙනහිර | ඇරැව්වල කොටසක් | 71.1762 |
| 52 | 581A | ඇරව්වල බටහිර | ඇරැව්වල කොටසක් | 120.6704 |
| 53 | 581B | බංගලාවත්ත | බංගලාවත්ත,ජයපුර | 35.306 |
| 54 | 581C | රත්මල්දෙණිය | රත්මල්දෙනිය, | 118.8212 |
| 55 | 581D | ඇරව්වල උතුර | ඇරැව්වල කොටසක් | 111.4975 |
| 56 | 581E | මහල්වරාව | මහල්වරාව, පිංහේන | 70.1683 |
| 57 | 582 | පැලැන්වත්ත උතුර | පැලැන්වත්ත කොටසක් | 122.9909 |
| 58 | 582A | පැලැන්වත්ත බටහිර | පැලැන්වත්ත කොටසක්,එදිරිසිංහගොඩ | 147.6714 |
| 59 | 582B | පැලැන්වත්ත නැගෙනහිර | පැලැන්වත්ත කොටසක්,රුවන්පුර | 98.8762 |
| 60 | 583 | මකුළුදූව | මකුළුදූව | 56.703 |
| 61 | 583A | පලිගෙදර | පලිගෙදර, | 68.1509 |
| 62 | 584A | නාම්පමුණුව | නාම්පමුණුව | 88.1163 |
| 63 | 584 | ගොරකපිටිය | ගොරකපිටිය | 43.0649 |
| 64 | 585 | හොන්නන්තර උතුර | හොන්නත්තර කොටසක් | 92.3851 |
| 65 | 585A | හොන්නන්තර දකුණ | හොන්නත්තර කොටසක් | 122.0938 |
| 66 | 586 | මාවිත්තර දකුණ | මාවිත්තර කොටසක් ,දුවවත්ත | 82.2024 |
| 67 | 586A | මාවිත්තර උතුර | මාවිත්තර කොටසක්,දොලේකනත්ත | 67.5903 |
| 68 | 596 | බටුවන්දර උතුර | බටුවන්දර කොටසක් | 60.7854 |
| 69 | 596A | බටුවන්දර දකුණ | බටුවන්දර කොටසක්,මූණමල්ගහවත්ත | 39.206 |
| 70 | 597 | ජඹුරලිය | ජඹුරලිය | 168.1131 |
| 71 | 598 | කහපොළ | කහපොල, | 223.1777 |
| 72 | 598A | රෙජිඩේල්වත්ත | රෙජිඩේල්වත්ත | 50.6238 |
| 73 | 598B | පොල්හේන | පොල්හේන | 61.5245 |
| එකතුව | 6268.0074 |
